आभूषण ज्वेलर्सच्या शेजारी, शॉप नं. १ येथे सुरू झालेल्या या हॉटेलमध्ये “Pure Veg” संकल्पनेवर भर देण्यात आला असून, ग्राहकांना स्वच्छ, स्वादिष्ट आणि पारंपरिक चवीचा अनुभव देण्याचा प्रयत्न करण्यात आला आहे. “एकदा खाल तर पुन्हा याल…!” हा आकर्षक ब्रीदवाक्य घेऊन सुरू झालेल्या या हॉटेलने उद्घाटनाच्या पहिल्याच दिवशी नागरिकांचे लक्ष वेधून घेतले.
हॉटेलमध्ये खास महाराष्ट्रीयन पदार्थांसह साऊथ इंडियन आणि फास्ट फूडचे विविध पर्याय उपलब्ध करून देण्यात आले आहेत. झणझणीत मिसळ, गरमागरम वडापाव, पावभाजी, कांदा भजी, बटाटा भजी यांसारखे पारंपरिक पदार्थ ग्राहकांना आकर्षित करत आहेत. त्याचबरोबर डोसा, उत्तप्पा, इडली, मेंदू वडा यांसारखे साऊथ इंडियन पदार्थ देखील चविष्ट पद्धतीने उपलब्ध आहेत.
याशिवाय आजच्या तरुण पिढीच्या आवडीनुसार पिझ्झा, बर्गर, विविध प्रकारचे ज्यूस, मोसंबी ज्यूस तसेच थंड पेयांचीही सोय येथे करण्यात आली आहे. सकाळच्या नाश्त्यापासून ते दुपारच्या जेवणापर्यंत आणि संध्याकाळच्या स्नॅक्सपर्यंत सर्व प्रकारच्या खाद्यपदार्थांची सोय एकाच ठिकाणी उपलब्ध करून देण्यात आली आहे.
हॉटेलचे निमंत्रक श्री. संदेश सादुराम खाडे व सौ. हिरा संदेश खाडे यांनी या उपक्रमामागील उद्देश सांगताना सांगितले की, “खोपोलीकरांना दर्जेदार, स्वच्छ आणि घरगुती चवीचे अन्न मिळावे, यासाठी आम्ही ‘आपला महाराष्ट्र’ ही संकल्पना सुरू केली आहे. ग्राहकांचा विश्वास आणि प्रेम हेच आमच्यासाठी सर्वात मोठे यश ठरणार आहे.”
उद्घाटन प्रसंगी परिसरातील मान्यवर, व्यापारी, मित्रपरिवार व नागरिक मोठ्या संख्येने उपस्थित होते. हॉटेलच्या आकर्षक सजावटीसह रुचकर खाद्यपदार्थांचा आस्वाद घेत उपस्थितांनी या नव्या उपक्रमाचे कौतुक केले.
खोपोलीकरांसाठी एक नवीन आणि विश्वासार्ह खाद्यपदार्थांचे ठिकाण म्हणून “आपला महाराष्ट्र” हॉटेल पुढील काळात लोकप्रिय होईल, असा विश्वास व्यक्त करण्यात येत आहे. त्यामुळे शहरातील नागरिकांनी एकदा तरी येथे भेट देऊन विविध चविष्ट पदार्थांचा आस्वाद घ्यावा, असे आवाहन हॉटेल व्यवस्थापनाकडून करण्यात आले आहे.
