दिवाळी पाडव्याच्या शुभमुहूर्तावर आमदार महेंद्र थोरवे यांनी उपमुख्यमंत्री एकनाथ शिंदे यांना दिल्या शुभेच्छा

साडेतीन मुहूर्तांपैकी एक असलेल्या दिवाळी पाडव्याच्या शुभमुहूर्तावर आज आमदार महेंद्र थोरवे यांनी महाराष्ट्र राज्याचे उपमुख्यमंत्री व शिवसेना पक्षप्रमुख मा. श्री. एकनाथ शिंदे साहेब यांची भेट घेऊन त्यांना मनःपूर्वक शुभेच्छा दिल्या.

या भेटीत राज्यातील विविध विकासकामांबाबत चर्चा झाली. लोकसेवा आणि जनहिताच्या कार्यात सातत्य ठेवत, जनतेच्या कल्याणासाठी अखंडपणे कार्यरत राहण्याचा निर्धार आमदार थोरवे यांनी व्यक्त केला. “साहेबांच्या सहवासात नेहमीच लोकसेवा, विकास आणि जनहिताची नवी प्रेरणा मिळते,” असे आमदार महेंद्र थोरवे यांनी सांगितले.

दिवाळी पाडवा हा सण नव्या सुरुवातीचा आणि आनंदाचा प्रतीक असल्याने, या विशेष दिवशी घेतलेली ही भेट अर्थपूर्ण ठरली. राज्यात उपमुख्यमंत्री एकनाथ शिंदे यांच्या नेतृत्वाखाली विकासाची नवी दिशा निर्माण होत असल्याचे समाधान आमदार थोरवे यांनी व्यक्त केले.